“علي الديك” لجمهوره: هنتو بقر.. ومرافقوه يضربونهم بالعصي الكهربائية

تناقلت مواقع موالية خبرا انتشر بسرعة كبيرة عن قيام مرافقة المطرب “علي الديك” بضرب الجمهور الذي حضر حفلته في معرض دمشق الدولي.
وبين مصدق ومكذب بدت تتضح التقاصيل عن إصابات بين صفوف الجمهور وجرحى والبعض بحالات صحية حرجة.
القصة بدت مع تدافع معجبين للمطرب الساحلي لالتقاط صور (سيلفي) معه، وتذكارات من محبيه، وهذا ما أدى إلى غضب “الديك” ونعته المتدافعين بـ”البقر”، ومن ثم قامت مرافقته من الشبيحة بضرب المواطنين بالعصي الكهربائية كما جاء في تعليقات البعض.
أحدهم علق على الخبر أنهم كان يحبون “علي الديك”، لكنهم اكتشفوا نفسيته المريضة: “كنت حبو كتير ….يس بعدين كرهتو لهالتفسيه الحقيرة يلي عليه هو واخوه ……لولا سوريا وهالشعب السوري ماكنت وصلت لهون …..يااانجم”.
أحد المتواجدين في حفلة الضرب تحدث عن خمسة جرحى بينهم ثلاثة بحالات خطرة: “انا كنت هنيك ومزبوط اعتدو بالضرب على المواطنين 5 اسعفوهن ع مشفى و3 منهن بحاله خطرة .. الله لايوفقو .. وضربو الناس بعصي الكهربا .. بس لانو صارو يتدافعو ليتصورو معو قام اطلع بالعالم قال هنتو بقر ابتصور مع حا وهاد الي صار”.
إحداهن علقت بأن “علي” وإخوته يدّعون الوطنية وفقط على التلفزيونات: “علي بياع حكي ووطنيات هو واخواتو لهلأ ماشفنا واحد منن راح دافع عن بلدن او حتى خدم عسكرية ماشفناهن غير عم يجعرو ع شاشات ويحكو بوطنيتن ال الجيجة يعني مابينطاقو لاهني ولافنن المشحر”.
البعض تحدث عن أن المعتدين على الجمهور هم من رجال الأمن الذين وقفوا بوجه مفتعلي الفوضى: “مع اني بكره بيت الديك كلون بس الظاهر اغلب العالم حتى لكانو هنيك ما بيعرفو الله وين حاطون. إلي ضربو العالم هدول من ضابط النظام تبع الحفلة ونفسي اعرف لو كنتو محلون كيف بدكون تضبطو بعض النور لكانو بين الناس بالحفلة إلي هني بيتحملو مسؤولية الفوضى إلي صارت).
بعضهم ربط بين ما سماه تواضع الرئيس وعجرفة بيت “الديك”: “كريم اي يلعن أبوك كلك شقفة صرماي ولولا الشعب السوري بحياتك ماصرت بشري ولا رح تصير العمى بعيونكن ليش شايفين حالكن وك صرماية الرئيس فيها تواضع قد عيلتك ياابن البقر ليش لجحشنة).
معلق آخر وصف عائلة “الديك” بالعائلة التشبيحة والمعرض بالمعرض التشبيحي: “على الديك علي التشبيح هاد اسمو عيلة جاية من ورا البقر اصلهم شبيحة من شييحة نظام الاسد المجرم اخوات عايبة شو متوقعين يطلعن منهم هدول شبيحة ولاد فروع مخابرات يعني مو شي غريب عليهم والجوعان بضل طول عمرو جوعان بعدين هاد اسمو مو معرض دمشق الدولي هاد اسمو معرض دمشق التشبيحي).
معلقة شامتة تحدثت عن أن ما حصل يستحقه هؤلاء لأنهم حضروا هكذا مطرب: “صراحة والحق يقال بيستاهلوا ضرب بالعصي وبالصرامي كمان لأنهم عاملين قيمة لهيك حثالة وجايين يحضروه ويتصوروا معه بس الحق مو الحق عليه عالمنظمين اللي عامليله قيمة ومعتبرينه بني آدم”.
معلق وصف المعرض بأنه فقط لسلب المواطنين في الوقت الذي يعيش فيه الشعب حالة فقر وجوع: “معرض بقرف من أولتو صرف مصاري عشي فاضي بوقت ميت الشعب من الجوع والفقر والمساعدات مدري من ايا دولة وانتو عاملين معرض لتجيبو هالكلب يعوي براي ما بقصرو شو ماعملو فينا قال علي الديك هههههه”.
الجدير بالذكر أن “علي الديك” هو ابن منطقة “رأس البسيط البدروسية” في اللاذقية ومن المطربين الشعبيين الذي أصبحت لهم شهرة واسعة بين الجمهور السوري والعربي.
وفي أثناء الثورة غنى لبشار لأأسد وجيشه، ويطلق عليهم نقاد الفن السوري بمطربي الكراجات نظراً لارتباط أغانيهم بسائقي السيارات العاملة على الخطوط الداخلية والعامة.

هل أعجبك الموضوع.. شاركه لتخبر أصدقاءك به

مواضيع مشابهة:

اترك تعليقاً

لن يتم نشر عنوان بريدك الإلكتروني.